 |
| Na RP Adriano, Ufufuo na uzima Kilimanjaro,Moshi. |
Jana
tuliangalia kwamba ili mtu apate kitu fulani anahitaji nguvu za kumwezesha na
nguvu za rohoni. Kumbukumbu 8:18
“Bali utamkumbuka
Bwana, Mungu wako, maana ndiye akupaye nguvu za kupata utajiri; ili alifanye
imara agano lake alilowapa baba zako, kama hivi leo.”
Pia
tuliona 3Yohana1:1,2 anasema ufanikiwe
kama roho yako ifanikiwavyo. Mafanikio makubwa na madogo yanaanzia rohoni.
Efeso
1:3 “Atukuzwe Mungu, Baba wa Bwana wetu Yesu Kristo, aliyetubariki kwa
baraka zote za rohoni, katika ulimwengu wa roho, ndani yake Kristo” Hapa
tunaona kitu chochote kiwe chema au kibaya kinaanzia kwenye ulimwengu war oho,
na kuna viumbe wakaao kwenye ulimwengu war oho wanaouongoza ulimwengu wa roho na
wanaleta madhara katika ulimwengu wa mwili. Na ukitaka kushinda lazima ushinde,
utawale, au upate nguvu za kutawala kwenye ulimwengu war oho kwanza ndipo
utashinda kwenye ulimwengu wa mwili.
Tulishapewa nguvu na kristo katika
ulimwengu wa roho, Efeso 2:6 “Akatufufua pamoja naye, akatuketisha pamoja naye katika ulimwengu
wa roho, katika Kristo Yesu”
Ni ajabu kama mtu ataamua kupigana na
mtu asiyemjua aina za silaha zake, anakaa kwenye maeneo gani n.k. vivyo vita
yetu ni kupigana na viumbe vya kiroho na hivyo tunahitaji nguvu ya rohoni ili
tupate kushinda, Baraka zetu zinaanzia rohoni kwanza ndipo mwilini, na hapo
haijalishi nani kazifunga au nani anazuia bali katika jina la Yesu
tunazichukua, na hata kama wa wakituona wa kawaida bado sisi si wa kawaida,
tuna nguvu za kiroho, maadaui zetu wanatujua, na hatuachi adui atuonee hata
tumgeuzie upande wa pili. Mwenye nguvu hakubali kuonewa, na mtu hamwonei mtu
mwenye nguvu kwa kuwa anamzidi nguvu na VIVYO KWA shetani hatukubali kuonewa na
shetani kwani tunazo nguvu za kushinda, tutawapigapiga wachawi, waganga na wote
wanaoleta matatizo kwenye maisha yetu.
Shetani huja na kuwaonea watu kwa
akili lakini kwao wenye nguvu za Mungu za rohoni hushinda hila hizo, mfano ni
Farao asiyemjua Yusuphu alipanga kwa hila kuwaua watoto wa waebrania, lakini
wazalisha hawa walikuwa na nguvu za rohoni wakamshinda Farao, na baadae akaja
na mpango wa pili bado mama yake Musa akamhifadhi hai mwanawe kwa ujanja. “Kutoka
1:8-22”
 |
| RP Adriano akihubiri |
Nawe uwe na nguvu kuliko wanawake wa
kimisri, uwashinde wanaotaka kuua Baraka zako, wanaopigana na familia yako na
umshinde adui yako katika jina la Yesu. Mipango yote ya farao kuwaua watoto wa
waebrania ilikuwa ni kuharibu ukombozi wa Israel lakini watu hawa wakiwa na
nguvu za rohoni wakashinda haya yote na makusudi ya Mungu yakatimia kwao kama
alivyowakusudia, NA IWE KWAKO PIA maadui zako uwashinde kwa nguvu za rohoni
ufanikiwe rohoni na mwilini waone na kujua Mungu wako ndiye atawalaye.
Ezekiel 28:1-10.
 |
| RP Adriano akihubiri |
Wakati Yesu alipozaliwa utaona
walikuja mamajusi wa mashariki kumshuhudia kwa nini? Walimwona ni kweli ana
sura na umbo la mtoto lakini rohoni ni mfalme wa wafalme, nah erode alikuwa
akitaka kumuua mtoto Yesu, kwa kuwa aliona ukuu wake rohoni na alipokufa
Malaika akamtokea Yusuph kumwambia rdi Yerusalemu kwa kuwa aliyetaka kumuua
mtoto amekufa. Katika jina la yesu kristo tunatangaza kufa kwa wote waliotaka
kuua maisha yako, waliotaka kuua roho yako, waliotaka kuua ndoa au mchumba wako
kwa damu ya yesu, kila alitaka kukuharibia mafanikio yako afe yeye kama Herode
ili wewe uendelee na malaika wa Bwana akutokee usiku wa leo. Maana amekufa
aliyekutafuta akuue, amekufa aliyetafuta kuua biashara yako, amekufa kila
mwenye kuzuia makusudi ya Mungu kwako pokea ushindi wako kwa jina la Yesu maana
amekufa aliyekutesa. AMENI
 |
| AP Hosea akimkaribisha RP Adriano mapema leo na umati wa watu ukishangilia |
Comments