NA
MCHUNGAJI KIONGOZI: JOSEPHAT GWAJIMA,UFUFUO NA UZIMA.
“Lakini ikiwa injili
yetu imesitirika, imesitirika kwa hao wanaopotea;
ambao ndani yao Mungu wa dunia hii amepofusha fikira zao wasioamini, isiwazukie nuru ya injili ya utukufu wake Kristo aliye sura yake Mungu.” 2 Wakorintho 4:3
ambao ndani yao Mungu wa dunia hii amepofusha fikira zao wasioamini, isiwazukie nuru ya injili ya utukufu wake Kristo aliye sura yake Mungu.” 2 Wakorintho 4:3
Sio kila asemaye
Mungu anamaanisha Mungu wa mbinguni. Yule muovu, shetani naye pia anaitwa Mungu,
lakini ni Mungu wa dunia. Mungu wa dunia hii ana majina mengi sana.
Mungu ni kama cheo
kama ilivyo kwa rais. Cheo chake ni rais wa Tanzania lakini jina lake ni Jakaya
Mrisho Kikwete. Mungu tunayemwabudu ni Mungu wa mbingu na nchi, Mungu mwenyezi,
Mungu Yehova.
“Nami nilimtokea
Ibrahimu, na Isaka, na Yakobo, kama Mungu Mwenyezi, bali kwa jina langu YEHOVA
sikujulikana kwao.” Kutoka 6: 3
Mungu wa dunia hii
ndio huyohuyo biblia imamtaja kama mkuu wa ulimwengu.
“Sasa hukumu ya
ulimwengu huu ipo; sasa mkuu wa ulimwengu huu atatupwa nje.” Yohana12:31
Mungu huyo sio Mungu
wetu sisi. Mungu wetu sisi ni Mungu wa mbingu na nchi ambaye wana wa Israeli
walimwita Yehova. Mahali anapotaka kujionyesha mwenye nguvu alitokea kama
Jehoiva Eligibo; Jehova Mikadeshi, Mungu atakasaye; Jehova Rohi Mungu
aongozaye; Jehova Rafa Mungu aponyae, Jehova Nisi bendera yetu.
Kwenye agano jipya aliamua kuvaa mwili akazaliwa na tukauona
utukufu wake. Alikuja kama neno akavaa mwili akazaliwa akaitwa Yesu. Lakini
Neno alikuwepo tangu mwanzo na ndiye Mungu.
“Hapo mwanzo
kulikuwako Neno, naye Neno alikuwako kwa Mungu, naye Neno alikuwa Mungu. Huyo mwanzo alikuwako
kwa Mungu. Vyote
vilifanyika kwa huyo; wala pasipo yeye hakikufanyika cho chote kilichofanyika. Ndani yake ndimo
ulimokuwa uzima, nao ule uzima ulikuwa nuru ya watu. Nayo nuru yang'aa gizani, wala giza
halikuiweza.” Yohana 1:1
Yesu Kristo maana
yake Yehova amashia yaani “Mungu yule yule.” Leo kuna mabishano makubwa kuhusu
Yesu juu ya uMungu wake. Ukisema Yesu ni nabii hakuna ubishi hapo, ukisema ni
mtume hakuna anayeongea lakini unaposema tu kuwa Yesu Kristo ni Mungu panatokea
kutoelewana na dunia inatikisika.
Yesu naye alimwita Mungu
wa dunia mkuu wa ulimwengu, jina jingine anaitwa mwovu maana yake ni mbaya ana
uovu ndani yake. Unatakiwa ufike mahali uone sio kila mtu anayesema Mungu
atatusaidia anamaanisha Yesu kristo, wengine wanakuwa wakimaanisha mungu wa
dunia hii. Ndio maana ya lile andiko linasema ambao ndani yao mungu wa dunia
hii amepofusha fikra zao. Kwa hiyo wao wana mungu wa dunia hii ndani yao lakini
sisi tuna Mungu wa Mbingu na nchi. Shetani amekuwa mmiliki wa dunia hii baada
ya Adamu kukosa. Kwenye dunia ni kambi ya shetani. Lakini nataka ujue Mungu
aliye ndani yetu ni mkuu sana ndio maana sisi tuliombeba tunao uwezo wa kuishi
duniani. Yaani tumeweka kambi ndani ya kambi ya adui.
“Mimi sitasema nanyi
maneno mengi tena, kwa maana yuaja mkuu wa ulimwengu huu, wala hana kitu
kwangu. Lakini ulimwengu ujue ya kuwa nampenda Baba; na kama vile Baba
alivyoniamuru; ndivyo nifanyavyo. Ondokeni, twendeni zetu.” Yohana14:30
“kwa habari ya
hukumu, kwa sababu yule mkuu wa ulimwengu huu amekwisha kuhukumiwa.”
Yohana 16:11
“Ninyi, watoto
wadogo, mwatokana na Mungu nanyi mmewashinda, kwa sababu yeye aliye ndani yenu
ni mkuu kuliko yeye aliye katika dunia.” 1 Yohana 4:4
Kuna nguzo nne ambazo
shetani anazitumia kuiendesha dunia, Nguzo hizi ni:
1.
Siasa
2.
Uchumi
3.
Dini
4.
Jeshi
Hizi ni sehemu ambazo
mungu wa dunia hii amezikamata na anaziendesha kama aonavyo vyema yeye. Ndio
maana leo unapotaka kuingia kwenye siasa lazima uchafuliwe kwanza kwa wizi na
mambo mengine ndipo ufanikiwe. Lakini Mungu akaaye ndani yetu atazuka katika
uso wa nchi na kuziangusha tawala zote za ufalme wa mungu wa dunia hii. Hapo
ndipo hata wewe uliyeokoka utaweza kuingia kwenye siasa na utakatifu wako.
“Twajua ya kuwa sisi
tu wa Mungu; na dunia yote pia hukaa katika yule mwovu. Nasi twajua kwamba
Mwana wa Mungu amekwisha kuja, naye ametupa akili kwamba tumjue yeye aliye wa kweli,
nasi tumo ndani yake yeye aliye wa kweli, yaani, ndani ya Mwana wake Yesu
Kristo. Huyu ndiye Mungu wa kweli, na uzima wa milele. Watoto wadogo, jilindeni
nafsi zenu na sanamu.” 1 Yohana 5:19
Andiko hili
linamaanisha dunia yote inaongozwa na yule mwovu ambaye ni mkuu wa ulimwengu au
mungu wa ulimwengu. Watu wa dunia hii kadri wanavyoongezeka kifedha, heshima na
umaarufu ndivyo wanavyozidi kuwa wabaya. Lakini wao huona ni kawaida kwa kuwa
wamepofushwa fikra zao.
“Yu wapi mwenye
hekima? Yu wapi mwandishi? Yu wapi mlete hoja wa zamani hizi? Je! Mungu
hakuifanya hekima ya dunia kuwa ni upumbavu? Kwa maana katika hekima ya Mungu, dunia
isipopata kumjua Mungu kwa hekima yake, Mungu alipenda kuwaokoa waaminio kwa
upuzi wa lile neno linalohubiriwa. Kwa sababu Wayahudi wanataka ishara, na
Wayunani wanatafuta hekima; bali sisi tunamhubiri Kristo,
aliyesulibiwa; kwa Wayahudi ni kikwazo, na kwa Wayunani ni upuzi; bali kwao waitwao,
Wayahudi kwa Wayunani, ni Kristo, nguvu ya Mungu, na hekima ya Mungu. Kwa sababu upumbavu
wa Mungu una hekima zaidi ya wanadamu, na udhaifu wa Mungu una nguvu zaidi ya
wanadamu. Maana,
ndugu zangu, angalieni mwito wenu, ya kwamba si wengi wenye hekima ya mwilini,
si wengi wenye nguvu, si wengi wenye cheo walioitwa; bali Mungu aliyachagua mambo mapumbavu
ya dunia awaaibishe wenye hekima; tena Mungu alivichagua vitu dhaifu vya dunia
ili aviaibishe vyenye nguvu; tena Mungu alivichagua vitu vinyonge
vya dunia na vilivyodharauliwa, naam, vitu ambavyo haviko, ili avibatilishe vile
vilivyoko; mwenye
mwili awaye yote asije akajisifu mbele za Mungu. Bali kwa yeye ninyi mmepata kuwa katika
Kristo Yesu, aliyefanywa kwetu hekima itokayo kwa Mungu, na haki, na utakatifu,
na ukombozi; kusudi,
kama ilivyoandikwa, Yeye aonaye fahari na aone fahari juu ya Bwana.” 1 Wakorintho
1:20-31
Kuna watu wana hekima
sana; lakini ni hekima ya dunia hii. Wanaweza kuongea maneno mpaka ukadhani ni
Mungu wa mbingu na nchi anaongea kupitia wao kumbe ni mkuu wa ulimwengu/mungu
wa dunia hii. Kuna watu wanatumia hekima ya dunia hii kutawala dunia.
“Walakini
iko hekima tusemayo kati ya wakamilifu; ila si hekima ya dunia hii, wala ya hao
wanaoitawala dunia hii, wanaobatilika; bali twanena hekima ya Mungu katika
siri, ile hekima iliyofichwa, ambayo Mungu aliiazimu tangu milele, kwa utukufu
wetu; ambayo
wenye kuitawala dunia hii hawaijui hata mmoja; maana kama wangaliijua,
wasingalimsulibisha Bwana wa utukufu; lakini, kama ilivyoandikwa, Mambo
ambayo jicho halikuyaona wala sikio halikuyasikia, (Wala hayakuingia katika
moyo wa mwanadamu,) Mambo ambayo Mungu aliwaandalia wampendao. Lakini Mungu
ametufunulia sisi kwa Roho. Maana Roho huchunguza yote, hata mafumbo ya Mungu. Maana ni nani katika
binadamu ayajuaye mambo ya binadamu ila roho ya binadamu iliyo ndani yake?
Vivyo hivyo na mambo ya Mungu hakuna ayafahamuye ila Roho wa Mungu. Lakini sisi
hatukuipokea roho ya dunia, bali Roho atokaye kwa Mungu, makusudi tupate
kuyajua tuliyokirimiwa na Mungu. Nayo twayanena, si kwa maneno
yanayofundishwa kwa hekima ya kibinadamu, bali yanayofundishwa na Roho,
tukiyafasiri mambo ya rohoni kwa maneno ya rohoni. Basi mwanadamu wa tabia ya asili
hayapokei mambo ya Roho wa Mungu; maana kwake huyo ni upuzi, wala hawezi
kuyafahamu, kwa kuwa yatambulikana kwa jinsi ya rohoni. Lakini mtu wa rohoni huyatambua yote,
wala yeye hatambuliwi na mtu. Maana, Ni nani aliyeifahamu nia ya
Bwana, amwelimishe? Lakini sisi tunayo nia ya Kristo.” 1 Wakorintho 2:6-16
Lakini ipo hekima ya
kiMungu pia ambayo Yakobo anaielezea namna ilivyo.
“Hekima
hiyo siyo ile ishukayo kutoka juu, bali ni ya dunia, ya tabia ya kibinadamu, na
Shetani. Maana hapo palipo wivu na ugomvi ndipo palipo machafuko, na kila tendo
baya. Lakini
hekima itokayo juu, kwanza ni safi, tena ni ya amani, ya upole, tayari
kusikiliza maneno ya watu, imejaa rehema na matunda mema, haina fitina, haina
unafiki. Na tunda la haki hupandwa katika amani na wale wafanyao amani.”
Yakobo3:15
Hekima hizi mbili zinakinzana
wakati wote hapa duniani. Haina maana kuwa tunapowatambua wenye hekima ya dunia
hii basi tuwatenge. Hapana, bali tunaungana na watu hawa lakini kwa malengo. Tunaungana
na watu ili kuwabadilisha wao wawe sehemu yetu na sio sisi kuwa sehemu yao. Ni
vizuri unapoenda sehemu katikati ya watu wanaomtumikia mungu wa dunia hii uwe
makini wasikubadilishe wewe kuwa sehemu yao. Mungu wa dunia hii ni mungu wa
uongo naye hupofusha fikra za watu. Atajaribu kukupofusha wewe pia.
“Na Yesu, hali amejaa
Roho Mtakatifu, alirudi kutoka Yordani, akaongozwa na Roho muda wa siku
arobaini nyikani, akijaribiwa na Ibilisi. Na siku hizo
alikuwa hali kitu; hata zilipotimia, aliona njaa. Ibilisi akamwambia, Ukiwa ndiwe Mwana
wa Mungu, liambie jiwe hili liwe mkate. Yesu akamjibu,
Imeandikwa ya kwamba mtu hataishi kwa mkate tu. Akampandisha
juu, akamwonyesha milki zote za ulimwengu kwa dakika moja. Ibilisi akamwambia,
Nitakupa wewe enzi hii yote, na fahari yake, kwa kuwa imo mikononi mwangu, nami
humpa ye yote kama nipendavyo. Basi, wewe ukisujudu mbele yangu yote yatakuwa
yako.” Luka 4:1-5
Shetani alimpandisha Yesu na kumwonyesha miliki za
dunia na fahari kwa dakika moja akamwambia mimi (ibilisi) humpa yeyote
nipendavyo ila uniabudu. Kumbe basi kila aliyefanikiwa kwenye nguzo za dunia
amepata kwa Bwana Mungu Yehova ama kwa ibilisi mkuu wa dunia hii baada ya
kuabudu. Shetani aliuchukua utawala wa dunia kutoka kwa Adamu na kuigeuza dunia
kuwa kama ilivyo leo. Adamu akija leo ataona dunia ni tofauti na alivyoiacha kwasababu
ya uharibifu mkuu uliofanywa na mungu wa dunia hii. Ulimwengu uko chini ya yule
mwovu asiyewaacha wafungwa wake waende zao ndio maana anaweza kutoa mali na
vyote vilivyomo kwa yule atakayemwabudu.
“Wala msiifuatishe
namna ya dunia hii; bali mgeuzwe kwa kufanywa upya nia zenu, mpate kujua hakika
mapenzi ya Mungu yaliyo mema, ya kumpendeza, na ukamilifu.” Warumi 12:2
“Na
hii ndiyo ahadi aliyotuahidia, yaani, uzima wa milele. Nimewaandikia
haya katika habari za watu wale wanaotaka kuwapoteza. Nanyi, mafuta yale mliyoyapata kwake
yanakaa ndani yenu, wala hamna haja ya mtu kuwafundisha; lakini kama mafuta
yake yanavyowafundisha habari za mambo yote, tena ni kweli wala si uongo, na
kama yalivyowafundisha, kaeni ndani yake. Na sasa, watoto wadogo, kaeni ndani
yake, ili kusudi, atakapofunuliwa, mwe na ujasiri, wala msiaibike mbele zake
katika kuja kwake. Kama
mkijua ya kuwa yeye ni mwenye haki, jueni ya kuwa kila atendaye haki amezaliwa
na yeye.” 1Yohana 2:15
Dunia na tamaa zake
vitapita bali yeye alishikaye neno la Mungu atadumu milele. Mungu anayetupenda
ametuweka kwenye dunia ambayo mkuu wake ni ibilisi na kutupatia nguvu na
mamlaka ya kumtiisha. Ndio maana Yesu alipoanza kuwafundisha watu jinsi ya
kuomba aliwaambia waombe wakisema, “baba yetu uliye mbinguni” sio marekani wala
ulaya bali mbinguni. “Jina lako litukuzwe” kwa maana jina lake limetukuka. “Ufalme
wako uje” ili kabla kanisa halijanyakuliwa ufalme wake uje.
Mungu alimwacha
shetani aujenge utawala wake hapa duniani ili amtume Yesu kama nuru auokoe
ulimwengu ndio maana imeandikwa; “na ile nuru yangaa gizani nalo giza
halikuweza kuishinda.” Kwa sababu hiyo Yesu Kristo alidhihirishwa ili
kuudhihirisha uweza wake. Ni hakika kabisa kuwa watakaoingia mbinguni ni wengi
zaidi ya watakaoingia kwenye moto wa jehanamu. Ndio maana leo kazi yetu mimi na
wewe ni kuwapunguza wale wanaoelekea jehanamu ili waingie mbinguni.
“Mimi nawaombea hao;
siuombei ulimwengu; bali hao ulionipa, kwa kuwa hao ni wako; na wote walio wangu ni wako, na walio
wako ni wangu; nami nimetukuzwa ndani yao. Wala mimi simo tena ulimwenguni,
lakini hawa wamo ulimwenguni, nami naja kwako. Baba mtakatifu, kwa jina lako
ulilonipa uwalinde hawa, ili wawe na umoja kama sisi tulivyo.” Yohana 17:9
Haya ni maneno ya
Yesu, anajua ulimwengu una shetani na mawakala wake. Anasema ulimwengu
umewachukia kwa sababu ukiwa wa Mungu wewe sio wa ulimwengu huu. Kama ambavyo
Yesu alichukiwa wewe pia utachukiwa kwa sababu kama ambavyo alivyokuwa sio wa
ulimwengu huu ndivyo na wewe ulivyo. Uko hapa kwa kazi maalum utakapoimaliza
unarudi kwa baba. Lakini shetani ameshika watu wa Mungu kwenye ulevi, ukahaba,
wizi na uharibifu wa kila aina.
Shetani anazo taarifa
juu ya kila mtu anayezaliwa ulimwenguni kwa kuwa yeye ndiye mkuu wa ulimwengu
huu. Anajua makusudi ya kila mtu pia, hivyo anaanza kuharibu lile kusudi tangu
siku unayozaliwa. Kuna watu wamekuwa wagonjwa tangu siku waliyozaliwa. Lakini
bado Mungu wetu anao mpango wa kukutoa hapo ambapo yule muovu amekuweka. Ndio
maana ya maarifa kama haya, unapoelewa nini kinaendelea kwenye maisha yako na
nini ufanye ili urudi kwenye kusudi lako la asili.
Mtu
una matatizo kwasababu shetani amekuwekea matatizo kwasababu anajua utakuwa
nani baadaye anajua Mungu wa mbingu na nchi ameweka kipawa cha aina gani ndani
yako, mkuu wa dunia hii anakuzuia ili usije fikia pale unapotakiwa kufika.
Shetaani hapambani na wewe kwasababu ulivyo anapambana na wewe kwasababu ya
kitu ambacho Mungu ameweka ndani yako, elimu inatusaidia kuendeleza kile
kilichowekwa na Mungu ndani yako.
“Imeandikwa
kabla haujatungwa katika tumbo la mama yako nalikujua” wachawi wanahitaji kile
ulichonacho ndani yako ili waendeleze ufalme wa mkuu wa ulimwengu kwenye siasa,
uchumi, jeshi, dini”
MAOMBI.
Mkono
wa mungu wa ulimwengu ulionyooshwa kwenye maisha yangu ninauvunja kwa jina la
Yesu, leo nina rudi kwenye kusudi langu kwa jina la Yesu.
Kwa
damu ya Yesu ninaangusha nguzo za mkuu wa ulimwengu. Wale wote mliokaa kwenye
nguzo za kisiasa, dini, jeshi na uchumi chini ya mkuu wa ulimwengu
ninawaangusha wote kwa jina la Yesu. Ewe mkuu wa ulimwengu nakufunga leo kwa
jina la Yesu, ninaangusha fikra zako ulizoziweka kwenye maisha yangu kwa jina
la Yesu Kristo. Kila hekima ya mkuu wa ulimwengu ninaiharibu kwa jina la Yesu.
Kwa mamlaka ya Jina la Yesu Kristo ninazikamata nguzo zote za mkuu wa ulimwengu
kwa jina la Yesu, ninafuta kila upofu wa mkuu wa ulimwengu kwenye macho yangu,
akili yangu, moyo wangu kwa damu ya mwanakondoo. Ninakunyanganya kazi yangu,
afya yangu uliyoigusa kwa mkono wako ewe mkuu wa ulimwengu kwa jina la Yesu Kristo.
Mashetani,
majini, mapepo, mizimu, wagang, wasoma nyota na wengine wote watumishi wa mkuu
wa ulimwengu ninawasambaratisha, nawafyeka kwa jina la Yesu.
Ninaamuru
nyota ya safari, kupendwa, kuhubiri, biashara inayotumiwa na watu wa dunia hii
irudi kwa jina la Yesu. Amina.
Comments